Ko lat ons sing. Adam Small
Читать онлайн книгу.
die Hére se hange
dja die Hére se hange
net djúlle moet djulle lyf
en ons moet ons verlange
dja net djulle moet djulle lyf
en ons moet ons verlange
so djulle pad is nou waar djulle Hys toe ry
ons pad se naam is Broadway
Lydingsweg
Ons het lankal in plekke
soes Windermere
al ons verlangens
afgaleer
o Here Djy kan maar lyster
na ons lied
sonner worry, ons is lankal
verby vadriet
altyd as ek na die
oeg toe gaan
dan dink ek aan die brylof
by Kana
maar ons het lankal in plekke
soes Windermere
al ons verlangens
afgaleer
en as tussen die shanties
hier die wet
my soek vlug ek altyd
deur Nasaret
maar Here Djy kan maar lyster
na ons lied
sonner worry, ons is lankal
verby vadriet
so moenie worry nie Here
ek is opgafix
ek is my eie Here
en dan’s ons twie kiets
prik ’n anner gêng se manne
my eendag vol snye
gaat ek sterwe aan my eie
krys vi’ myne
o al lankal in plekke
soes Windermere
het ons al ons verlangens
afgaleer
al lankal in plekke
soes Windermere
al ons verlangens
afgaleer
Groot Krismisgabet
Here
nou weer lowe ons Djou
Djy wat gakom het vi’ die redding van die wêreld
Djy wat gabore is soveel Krismisse galede
in die Betlehem
dja in die Betlehem Here
in die stal
by die donkie
by die koei
in die krip
op die grondvloer
op die sandvloer Here
in ’n plek wat gastink het
in ’n plek waar ’n mens naar gaword het van die badompagheit
ons ken sulke plekke Here
dja ons ken hulle
ons het duplicates van hulle allover
in die Windermere
in die Distrik Ses
in die Blouvlei hierso annerkant die Wynberg by die Ratreat
en daarom lowe ons Djou oek hierie Krismis Here
net Djý
net Djý wat die grootste experience van almal het
van hierie soorte plekke
net Djý kan ons help
net Djý kan vi’ ons
miskien nog hierie Krismis Here
’n nuwe Mosas lat gabore word hier
’n nuwe Mosas
’n nuwe Mosas
o Here, óns Mosas –
ons sal hom wegstiek Here, ons het baie wegstiekplekke
van die daggers wat nie van hom hou nie –
om ons te lei, die hele klomp van ons
te lei tot vlak voor die wingerde van die Kanaän
van die Kanaän Here
Here, óns Kanaän
*
Allow my om vi’ Djou te sing Here
om vi’ Djou te sing wat ek badoel
eers die snare van die banjo regmaak
reg só
Innie Ratreat se hotel oorkant die vlei
het ons ’n properse Egypt
want net soes die Jore yt die slawerny
moet iemand ons nog hieryt lei
moet iemand ons nog hieryt lei
moet iemand ons nog hieryt lei
want net soes die Jore yt die slawerny
moet iemand ons nog hieryt lei
*
O Here
doen dan tog hierie Krismis iets vi’ ons
moet ons nie nog ’n slag vagiet nie
daar’s al lankal manne onner ons wat sê
al wat Djy vi’ ons oor het
is die banjo en die kitaar Here
die banjo en die kitaar en die donker subways
die manne is verbitter Here
hulle harte word hard
hulle wil nie meer van Djou hoor nie
en as hulle sing dan sing hulle
Ons het lankal in plekke
soes Windermere
al ons verlangens
afgaleer
so Here Djy kan maar lyster
na ons lied
sonner worry, ons is lankal
verby vadriet
*
En dis nie net tien Djou wat hulle verbitter is nie Here
hulle’s verbitter ook tien die well-off mense
daar’s ’n anner song wat hulle sing
Y-town
bie-town
bie-town
sie-town
sie-town
die-town
hie’ kom ons
hie’ kom ons
hie’ kom ons aan
die Hiemelpad is nou
ma’ dis vi’ djou, nie vi’ my
ons pad se naam is Broadway
ons bly tien die hange
tien dieselfde hange
tien