Chokers en survivors. Nathan Trantraal
Читать онлайн книгу.
ection>
NATHAN TRANTRAAL
CHOKERS EN SURVIVORS
KWELA BOEKE
Die uitleg van gedigte in hierdie digitale uitgawe van Chokers en survivors mag verskil van dié van die gedrukte uitgawe, afhangende van die instellings op u leestoestel. Die uitleg vertoon optimaal indien die standaardinstelling op u leestoestel gebruik word. Lesers kan egter eksperimenteer met die instellings vir verskillende perspektiewe op die gedigte.
Vi Seymour en Sonnet
Dutch: So why don’t you use the regular army? What do you need us for?
Dillon: Cause some damn fool accused you of being the best.
– Jim Thomas, John Thomas, Predator
I wander thro’ each charter’d street,
Near where the charter’d Thames does flow,
And mark in every face I meet
Marks of weakness, marks of woe.
– William Blake, “London”
The best advice that I’d ever gotten
Was from good old Johnny Rotten
He said God save the Queen
He said no future for you no future for me
– Craig Finn, “No Future”
Voorwoord
Chokers en survivors is peanut-butter-en-jêm-brood
Issie eeste en laaste kee wat ek myself gan explain.
Na dié vra jy my fokkol, lyste net:
as jy nie kan byhou met die storie nie, dan issitie vi jou nie
ôs het vi twie jaa geliewe op chokers en survivors en flou tea.
Bishop Lavis
(1983–1988)
tot hie en nie vêderie
Wies careful van mense wat hulle harte op hulle moue dra
wan sukke mense wysie altyd vi jou hulle regte hartie.
Hulle regte hart is weggevou inne kissingsloep onnerie kooi.
Wies careful van mense wat sê hulle is lief vi jou
wan hulle regte liefde hou hulle inne koffieblik oppie kas.
Wies careful van mense wat in jou oë kyk as hulle met jou praat
wan hulle regte oë sit inne envelope onne innie laai.
Wies careful van mense wat vi jou sê jou hare is mooi
wan is hulle wat dywels begrawe innie krake in jou miere.
En wies careful van mense met baie katte
wan hulle kan dai katte na jou hys toe stie innie aan
en hulle sal jou kinnes in hulle slaap vesmoo.
En moenie goed wat jy langsie pad optel hys toe bringie
wan somtyds los ieman vi jou dai goed langsie pad
en da kô jy en dra it in jou hys in.
Woensdag, 16 Februarie 1988
Ek is nog klein.
Ek staan allien innie agtejaat
by my ouma-hulle hys en ek voel sad
omdat ek wiet vandag isse boring, unimportant dag.
Ek wiet die dag het niks gedoen
wattit worthy maak om onthou te wôtie.
Ek voel sad omdat ek wiet daa was al dysende dae
soes dié wat ek al kla vegiet et.
’n Mens kyk trug op jou liewe ennie goed wat ytstaan,
dai is vi jou jou liewe.
Maa dai issie die liewe nie.
Dai issie highlights reel.
Jou liewe isse klom dae wat niks gebee nie.
Ek stap narie wasgoed wat oppie lyn hang,
ek sit my hand tien ’n nat handdoek
en ek dink ek gan nooit die dag vegietie.
Maya en Mr Piel
Maya was getroud met drie kinnes,
Faheem, Sieda en Riefka.
En een vi een het sy vi hulle ammel
mette piel oorie kop geslaan
tot da niks oo wassie.
Maya het haa man, Boy, innie boem lat slaap
tewyl sy vi Mr Piel innie hys opgeklim et.
Sy naam was Clyde
maarie mense het vi hom Mr Piel geroep
omdat sy piel alle soot deere oep en toe geslyt et
Sy piel hettie dee geslyt agte Maya se man.
Sy piel het Sieda se kamedee oepgeslyt innie nag.
Sy piel hettie tronk se hekke geslyt
ná Faheem hom mette bakstien gegooi et.
Sy piel het Maya se hart oep en toe geslyt
en depending op waa jy met Mr Piel staan
sal jy wiet waa jy met Maya staan.
Al was jy ’n vriend, familie of haa kind,
Mr Piel hette hele wêreld vi Maya oepgeslyt
waa net hulle twie bestaan et.
Esprit
Riefka het vroeg gelee
dattie way na ’n man se hart
dee haa mag is.
Sy wasse druggie op dêtien
enne prossie op vyftien.
Riefka wasse mooi meisie.
Ammel was mal oo haa oë
wat somtyds blou was
en somtyds groen.
Mense praat nou nog vannie goed
wat sy innie boys toilet gedoen et
en baie up-and-coming-meisies
gebryk haa career path asse blueprint.
Haa niefies en niggies wat saam haa op skool was
het simply na haa refer as “hai jintoe”
as hulle van haa gepraat et.
Riefka was confused oo haa niggies en niefies,
oo haa familie in general.
Sy was confused oo wie haa pa was.
Ammel het gewiet wie haa pa was, behalwe sy.
Haa ma het hom gelos net na sy gebore was
en vi haa gesê dat Mr Piel haa pa is.
Riefka kanittie onthou nie
wan sy was nog ’n baby
Maa haa ma
het eenkee met haa pa gestry
toe wôd sy soe kwaad
dat syrie man mettie baby gooi.
Later het haa pa heeltemal befok geraak
en somme ’n ayaman gewôd. En gefokof.
Maarit