Молитвы утренние и вечерние. Сборник
Читать онлайн книгу.
Сам, Безсме́ртный Царю́, приими́ моле́ния на́ша, я́же[106] в настоя́щее вре́мя, на мно́жество Твои́х щедро́т дерза́юще[107], от скве́рных к Тебе́ усте́н твори́м, и оста́ви нам прегреше́ния на́ша, я́же де́лом, и сло́вом, и мы́слию, ве́дением, или неве́дением согреше́нная на́ми; и очи́сти ны от вся́кия скве́рны пло́ти и ду́ха. И да́руй нам бо́дренным се́рдцем и тре́звенною мы́слию всю настоя́щаго жития́ нощь[108] прейти́, ожида́ющим прише́ствия све́тлаго и явле́ннаго дне[109] Единоро́днаго Твоего́ Сы́на, Го́спода и Бо́га и Спа́са на́шего Иису́са Христа́, во́ньже[110] со сла́вою Судия́ всех прии́дет, кому́ждо[111] отда́ти по дело́м[112] его; да не па́дше и облени́вшеся, но бо́дрствующе и воздви́жени в де́лание обря́щемся гото́ви[113], в ра́дость и Боже́ственный черто́г сла́вы Его́ совни́дем[114], иде́же[115] пра́зднующих глас непреста́нный, и неизрече́нная сла́дость зря́щих Твоего́ лица́ добро́ту[116] неизрече́нную. Ты бо еси́ и́стинный Свет, просвеща́яй и освяща́яй вся́ческая[117], и Тя пое́т вся тварь[118] во ве́ки веко́в. Ами́нь.
Молитва 6-я, того же святого
Тя благослови́м[119], вы́шний Бо́же и Го́споди ми́лости[120], творя́щаго при́сно с на́ми вели́кая же и неизсле́дованная[121], сла́вная же и ужа́сная, и́хже несть числа́, пода́вшаго нам сон во упокое́ние не́мощи на́шея, и ослабле́ние трудо́в многотру́дныя пло́ти. Благодари́м Тя, я́кo не погуби́л еси́ нас со беззако́ньми на́шими, но человеколю́бствовал еси́ обы́чно, и в неча́янии лежа́щия ны[122] воздви́гл еси́, во е́же[123] славосло́вити держа́ву Твою́. Те́мже мо́лим безме́рную Твою́ бла́гость, просвети́ на́ша мы́сли, очеса́, и ум наш от тя́жкаго сна ле́ности возста́ви: отве́рзи на́ша уста́, и испо́лни я[124] Твоего́ хвале́ния, я́ко да возмо́жем непоколе́блемо пе́ти же и испове́датися Тебе́, во всех, и от всех сла́вимому Бо́гу, Безнача́льному Отцу́, со Единоро́дным Твои́м Сы́ном, и Всесвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.
Молитва 7-я, ко Пресвятой Богородице
Воспева́ю благода́ть Твою́, Влады́чице, молю́ Тя, ум мой облагодати́. Ступа́ти пра́во мя наста́ви, путе́м Христо́вых за́поведей. Бде́ти к пе́сни укрепи́, уны́ния сон отгоня́ющи. Свя́зана плени́цами[125] грехопаде́ний, мольба́ми Твои́ми разреши́[126], Богоневе́сто. В нощи́ мя и во дни сохраня́й, борю́щих враг избавля́ющи мя. Жизнода́теля Бо́га ро́ждшая, умерщвле́на мя страстьми́ оживи́. Я́же Свет невече́рний ро́ждшая, ду́шу мою́ осле́пшую просвети́. О, ди́вная Влады́чня пала́то, дом Ду́ха Боже́ственна мене́ сотвори́. Врача́ ро́ждшая, уврачу́й души́ моея́ многоле́тныя стра́сти. Волну́ющася жите́йскою бу́рею, ко стези́[127] мя покая́ния напра́ви. Изба́ви мя огня́ ве́чнующаго, и че́рвия же зла́го, и та́ртара[128]. Да мя не яви́ши бесо́м ра́дование, и́же мно́гим грехо́м пови́нника[129]. Но́ва сотвори́ мя, обетша́вшаго[130]
Я́же – здесь: которые.
На мно́жество Твои́х щедро́т дерза́юще – надеясь на обилие милости Твоей.
Настоя́щаго жития́ нощь – ночь здешней, теперешней (земной) жизни.
Ожида́ющим прише́ствия све́тлаго и явле́ннаго дне – ожидающим светлого и славного дня (Второго) пришествия.
Во́ньже – «в него» (в этот день).
Kому́ждо – каждому.
По дело́м— по делам, согласно делам.
Обря́щемся готови – окажемся готовыми.
Совни́дем – войдем вместе (с Ним).
Иде́же – где.
Добро́та – красота, благость.
Вся́ческая – всё сущее, весь мир.
Тварь – творение.
Тя благослови́м – Тебя восхваляем.
Го́споди ми́лости – Господь милостивый.
Неизсле́дованная – непостижимая.
В неча́янии лежа́щия ны – нас, спящих (во сне не осознававших окружающей действительности).
Во е́же – что бы.
Испо́лни я – наполни их.
Плени́ца – цепь.
Разреши́ – освободи (разреши от уз).
Стезя́ – тропа, дорога.
Та́ртар – адская бездна.
И́же мно́гим грехо́м пови́нника – виновника многих грехов.
Обетша́вшаго – обветшавшего, обессиленного, сокрушенного.