Karnaval en lent. T.T. Cloete
Читать онлайн книгу.
bres
deur my wering
kan die gedig lieg?
is swyg dom onderdanigheid?
is uitpraat en uitvra ’n elfde verbod?
as alles tuimel
menslyke ingesluit
in siklone en alles oorspoel word
in aardbewings in vlamme opgaan
verseker Sy versekerde vertrouelinge my
wat kerm
dat Hy in beheer is van Homself
van Sy vuur en Sy wind en Sy water
waar is die stil veilige middelpunt
van die orkaan waar ek téénaan dié
Hooggesetene téén dié onbegryplike
Hooggesetene Self kan skuil
was ek maar liefs ’n kleuter
van die bevat
my ivoordakkie kraak van stres . . .
ek kom weer tot verhaal . . .
ná Vondel het Krakatoa gekom
Eyjafjallajökull en Sendai
maar vóór hom was Vesuvius al daar
met sy vlamrooi bulder
wat mense in as versmoor
onhoorbaar ver vir Vondel?
hoe gerieflik om die veilige Heilige
te sien met net een oog
Buite flikker helder sigbaar ’n Teëwig
(ek skrik dit met ’n B en T van angs)
het die misantroop uit eie ontvangenis
selfstandig ontstaan?
voor my in my en rondom my
staan die homo lupus
die homo duplex
skurke het my vrou vermoor
my dogtertjie voor tien verkrag
my bejaarde suster Lettie doodgeslaan
op die vaal dorpie Reitz in die Vrystaat
(ek hoef niks uit my duim te suig nie)
my vriend se kop gesnoer met ’n doringdraad
ons is in alle tye oral op aarde onderwerp aan monsters
met mooi bedrieglik vleiende name:
die Gesel Gods wat God bespot die
Keiser
Tsaar
Premier
Vlam van God wat God bespot
Verteenwoordiger van God wat God bespot
Pous
Vrede-Vors
No. 1
pasgebore babas word lewendig weggegooi
in vulliskonkas en lyke van verkragte kleuters
word weggesteek in vrieskaste
deur die Teëwig van daar-Buite
wat monsters maak
van God se kinders?
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.