НЫНЕ же побеседуем, что пишет в писании о неизреченной премудрости Божии, яко той исперва сотвори, но нечто возьмем от богословец. Что Давид глаголет: небо небеси Господь, и то убо седмь поясов небесных, не о том глаголет небе, но о том небе, которое всех выше небес, о нем же Давид глаголет: и вода яже превыше небес; не про видимую глаголет воду, но про невидимую.

      Та убо вода огустися Божиим повелением, яко кристал световиден, сиречь покров всех превыше небес. И сотвори Бог седмь поясов небесных, сиречь небес, и все равны сотворил; выше же небес почивает сам Господь Бог; а на коемждо небеси постави служение и по чином раздели и по достоинству украси их всех равно, и даде им дело сие – пение непрестанное, хвала и великолепие Божие.