Я люблю читать мою любимую книгу. Черновик. Николай Кузнецов
Читать онлайн книгу.
святая псом, ни пометайте бисер ваших пред свиниями, да не поперут их ногами своими и вращшеся расторгнут вы. Просите, и дастся вам, ищите, и обрящете, толцыте, и отверзется вам, всяк просяй приемлет, и ищяй обретает, и толкущему отверзется. Или кто от вас человек, его же аще воспросит сын его хлеба, еда камень подаст ему? Или аще рыбы просит, егда змию подаст ему? Аще вы, лукави, умеете даяния блага даяти чадом вашим, кольми паче Отец Ваш Небесный даст блага просящим у него. Вся, аще хощете, да творят вам человецы, тако и вы творите им, се есть закон и пророцы. Внидите узкими враты, пространная врата и широкий путь вводяй в пагубу, и мнози входящии им, узкая врата, и тесный путь вводяй в жизнь вечную (живот), и мало их, иже обретают его. Внемлите же от лживых пророк, иже приходят к вам во одеждах овчих, внутрь же волцы хищницы, от плод их познаете их, егда объемлют от терния грозды, или от репия смоквы? Тако всяко древо доброе плоды добры творит, а злое древо плоды злы творит, не может древо добро плоды злы творити, ни древо зло плоды добры творити. Всяко древо, еже не творит плода добра, посекают е и во огнь вметают. Темже от плод их познаете их. Не всяк глаголяй ми: Господи, Господи, внидет в Царствие Небесное, но творяй Волю Отца Моего, иже на Небесех. Мнози рекут мне во он день: Господи, Господи, не в Твое ли Имя пророчествовахом, и Твоим именем бесы изгонихом, и Твоим Именем силы многи сотворихом? И тогда исповем им: Николиже знах вас, отидите от Мене, делающии беззаконие. Всяк, иже слышит словеса Моя и творит, уподоблю его мужу мудру, иже созда храмину свою на камени, и сниде дождь, и приидоша реки, и возвеяша ветри, и нападоша на храмину ту, и не падеся, основана на камени. И всяк слышай словеса Моя, и не творя их, уподобится мужу уродиву, иже созда храмину свою на песце, и сниде дождь, и приидоша реки, и возвеяша ветри, и опрошася храмине той, и падеся, и разрушение ея велие. И егда сконча Иисус словеса, дивляхуся народи о учении Его, учя их яко власть имея, и не яко книжницы и фарисее.
Глава 24
Сшедшу же Ему с горы, вслед Его идяху народи мнози. И, прокажен пришед кланяшеся Ему, глаголя: Господи, аще хощеши, можеши мя очистити. И простер руку Иисус, коснуся ему, глаголя: Хощу, очистися. И тотчас (абие) очистися ему проказа. И глагола ему Иисус: Виждь, ни кому же повеждь, но шед покажися Иереови и принеси дар, его же повеле в законе Моисей, во свидетелство им. Вшедшу же Ему в Капернаум, приступи к нему сотник, моля его и глаголя: Господи, отрок мой лежит в дому разслаблен, люте стражда. И глагола ему Иисус: Аз пришед исцелю его. И отвещав сотник, рече ему: Господи, несмь достоин, да под кров мой внидеши, но токмо произнеси (рцы) слово, и исцелеет отрок мой, ибо Аз человек под властию, имый под собою воины, и глаголю сему: Иди, и идет, и другому: Прииди, и приходит, и рабу моему: Сотвори, и сотворит. Слышав же Иисус, удивися, и рече грядущим по Нем: Аминь глаголю вам, ни во Израили толики веры обретох. Глаголю же вам, яко мнози от восток и запад приидут и возлягут со Авраамом и Исааком