Ridders van die grondpad. Deon Meyer
Читать онлайн книгу.
durf ons die Eselbank-pad weer aan. By Matjieskloof, waar die groot, breë grondpad na Clanwilliam links uitswaai, hou ’n mens reguit aan. Dis 4x4-wêreld dié; dit gaan stamperig bergop in die spoor van dik, los gruis, krake en slote. Die uitsigte is van die beste.
Elke draai bring nuwe vistas – die Tra-Trarivier se skeurvallei links, die Wolfbergskeure, Korridorpiek en Tafelberg links. Daar’s nedersettings daar bo, klein landerye, spekvet vee, blink waterstroompies om deur te plas.
Maar dit is die slingerende, steil pas af na Wuppertal wat my laat skaam kry vir die vorige keer se gejaag. Jou asem word weggeslaan soos jy daal en draai en daal en draai tot by die heilige koeltes van die sendingstasie, waar ons onder ’n reuseboom gaan stilhou om alles te herkou.
Ek staan en dink hoeveel makliker die nuwe motorfiets die pad se uitdagings hanteer. My vrou plaas haar stempel van goedkeuring op die passasiersitplek. Ons praat oor waar dié pad op ons Grootvyf-lys inpas en dan val ons weer in die pad, Boesmanskloof toe.
Maar wanneer ek ’n laaste keer terugkyk na die dun strepie van die Eselbank-pad, wonder ek net ’n oomblik hoe dit sou wees om – baldadig en uitbundig – met die nuwe ysterperd daarop te gaan rý.
3.5
Ceres
Dit is 147 km van Ceres tot op Wuppertal of 218 km van Ceres tot op Clanwilliam. Die moeiliker deel, tussen Matjiesrivier en Wuppertal, is net 34 km.
Van die Kaap tot in Clanwilliam behoort tussen ses en sewe uur te duur as jy nie haastig is nie.
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.